hamadaso
عدد الرسائل : 199 العمر : 38 تاريخ التسجيل : 12/08/2007
| موضوع: صباح الاسئله المستفزة الثلاثاء سبتمبر 18, 2007 9:03 pm | |
|
فى اوضتك على السرير وطافى النور ومتغطي يجى اخوك الظريف يقولك ايه دة انت هتنام ولا ايه ؟ (مظنش انى هرقص يعنى اكيد هنام)
انتم معزومين عند الناس اول مارحتولهم البيت فتحو الباب يقول ابنهم االصغير انتو جيتو ( لا لسه )
انت لابس هدومك ومتأنتك على سنجة عشرة وريحة البارفان وصله لاخر الشارع يندهلك حد من اهلك بصوت عالى انت خااااااارج انت (لا انا لسة راجع)
خارج وركبت العربية وبدور وطالع ويجى البواب يقولك انت رايح الشغل يابية (لا العربية وحشاني )
مسكت التليفون وبتضغط على الارقام يجى حد من اهلك يقولك انت هتتكلم فى التليفون؟ (لا بتفرج عليه)
ماسك مذكرة ولا كتاب وقاعد بتحفظ متحمس ( اول مره بقى ) ويجي حد يقولك هاه قاعد تذاكر (تقوم رامى الكتاب وقايله لااااااااااا )
ربنا هاديك كدة وماسك سبحة وعمال تسبح يجى حد من البيت معدى يقولك هوة انت بتسبح ؟ (لا هفرطها واسلقها)
ولا بأه القنوات و اسئلتهم البايخه برنامج اهداء اغانى ترد عليك ست الكتكوتة (المذيعة)بكل خفة ورشاقة انت بتحب الاغنية دى؟ (لا انا طالبها اخنق على نفسى (
او مثلا فى برامج العيد المذيع "ههههه هههه نتعرف بيك؟ المواطن فلان الفلانى المذيع "هههه بتقول اية للاهل هههه وصحابك هههههه وقرايبك هههه المواطن اقولهم كل عام وانتم بخير (اكيد مش هيقولهم البقاء لله)
المذيعة الظريفة"وياترى هتعملو ايه فى العيد هتقضوه ازاى اكيد بيبقى زيارات الاهل والاصحاب وتفسحو اولادكو ونتصل بالمعارف ونقولهم كل سنة وانتم طيبين ( سبتيله ايه يقووله يا رخمه)
والاسخف بأة برامج الاطفال .... الشلل الكبير المذيع" انت بتحب بابا وماما (يعنى الولد لسة مطلعلوش عرق النداله علشان يقول ل _________________
| |
|
ملك
عدد الرسائل : 30 تاريخ التسجيل : 25/09/2007
| موضوع: رد: صباح الاسئله المستفزة الجمعة سبتمبر 28, 2007 1:04 am | |
| بجد اسئله مستفزه وانا غلطانه انى شفتها بس ضحكت بجد | |
|
hamada_aresha
عدد الرسائل : 28 العمر : 35 الموقع : http://shabaab.ahlamontada.com تاريخ التسجيل : 12/08/2007
| موضوع: رد: صباح الاسئله المستفزة السبت سبتمبر 29, 2007 3:16 am | |
| ههههههههههههههههههههه
يا نهار ابيض بصراحه تخلي الواحد يشد في شعره | |
|